Në Dibër po mbahet Festivali i Teatrit Shqiptar

 

Në natën e parë, në podium u ngjit trupa teatrore profesioniste e qytetit të Prizrenit me pjesën “Nora” (“Shtëpi kukulle”), të autorit Henrik Ibsen, me regji të realizuar nga Sokol Plakolli. 

 

Artistët e mrekullueshëm të Prizrenit, në veçanti Niada Salihasi,  sfiduan artin skenik, duke bërë përpjekje për të realizuar një dramë post-moderne. Ata vënë në lojë struktura të ndryshme udhëheqëse, ku kërkojnë të ngopin epshet e tyre në kurriz të artit dhe artistëve të mirëfilltë. 

 

“Nora e Ibsenit”("Shtëpi kukulle") është personifikim i artistes, simbol i krijuar për të qenë e tillë siç është Nora. 

 

Këtë festival e sponzoruan Ministria e Kulturës e Republikës së Maqedonisë, Komuna e Dibrës dhe Qendra e Kulturës në Dibër.

 

Sonte, në natën e dytë të festivalit, para publikut dibran do të paraqitet trupa profesioniste e  Tetovës, me pjesën “Vdekja aksidentale e një anarkisti”, të autorit Dario Fo, me regji të realizuar nga Kushtrim Bekteshi.