Nuhiu: Gati emblemat dygjuhësore të policisë

 

 “I kemi nënshkruar aktet normative për emblemat e uniformave të policisë edhe në gjuhën shqipe. Të policisë së trafikut, policisë kufitare, njësitit të helikopterit për detyrat e policisë, njësitit për detyra speciale”, theksoi Nuhiu në një publikim në Facebook. 

 

 

Por nga MPB sqarojnë se që aktet të hyjnë në fuqi, duhet pritur që qeveria të miratojë Dekretin për uniformat e policisë, e më pas miratohet edhe Rregullore për ndryshim dhe plotësim të Rregullores për kohëzgjatjen dhe shpërndarjen e uniformës dhe emblemës nga ana e ministrit të Brendshëm. Nga MPB informojnë se "më 11 korrik të vitit të kaluar, në kuadër të MPB-së është formuar grup i punës që duhet të analizojnë harmonizimin e rregulloreve për uniformën e Policisë me dispozitat e Ligjit për përdorim të ligjit. Tashmë janë përpiluar tekstet për Dekrete të ndryshimit dhe plotësimit të Dekretit për uniformat e policisë dhe Rregullores për ndryshim dhe plotësim të Rregullores për mbajtje dhe shpërndarje të uniformës policore”, thonë nga MPB.