Rritja e çmimit të energjisë, MEPSO: Ka metodologji, vendos trupi rregullator

 

“Tarifat për përçim të energjisë elektrike, si gjithkund në shtetet e BE-së dhe shtetet fqinje, në nivel vjetor, I vërteton trupi rregullator kompetent, sipas metodologjisë së miratuar, në bazë të kërkesave të ndërmarrjeve energjetike. Metodologjia e definon kërkesën e formës dhe përmbajtjen dhe mbi këtë bazë prezantohet dhe sqarohet shpenzimet për mirëmbajtje, rikonstruim dhe rindërtim të rrjetit elektroenergjetik. Rezultatet e fundit janë evidente në stacionet në termocentrali Osllomej dhe në Valandovë, kurse gjatë muajve të ardhshme do të përfundojnë punimet dhe në Dubrovë dhe Prilep dhe në katër elektrocentralet më të mëdha. Në rrjedhë është edhe rikonstruimi i stacioneve në Manastir dhe Shkup, në afat të realizimit prej 12 muajsh”, thonë nga “MEPSO”.

 

Nga MEPSO përkujtojnë se nuk duhet të krahasohet çmimi i rrymës me pagën mesatare në vendin tonë dhe se për familjet e varfra tashmë ka subvencione energjetike. Porosisin se është çështja është komplekse e nuk guxon të banalizohet me sulme jo të argumentuara ndaj ndërmarrjeve energjetike. Kanë ankesë edhe për faktin se, sipas tyre, ata që më së shumti reagojnë ndaj rritjes së çmimit të energjisë elektrike, janë pikërisht qytetarët, që janë të gatshëm të paguajnë sa u kërkohet për internet apo faturat telefonike, që në shumë raste tejkalojnë çmimin e faturës së energjisë elektrike.