“Covid 19”, numër i lartë i të prekurve në rajon dhe botë

Situata me “Covid 19”, në Kosovë  vazhdon të jetë brengosëse, thonë nga Instituti i  Shëndetit public të Kosovës.

Numri i përgjithsëm i të vdekurve deri më tani ka kaluar shifrën 400. Gjatë 24 orëve të fundit janë regjistruar 11 raste të  personave të vdekur, ndërsa janë konfirmuar 141 raste të reja me COVID-19.

Numri i të infektuarve  gjithsej ka arritur në 11 mijë e  416. Gjatë 24 orëve të fundit, janë shëruar 230 pacientë derisa numri i përgjithshëm i të shëruarve deri më sot është gjithsej 7.191 raste, kurse numri i rasteve aktive është 3.824”, thuhet në njoftimin e insitutit të shëndetësisë kosovare.

Në Shqipëri Ministria e Shëndetësisë njoftoi për  6 persona  të vdekur në 24 orët e fundit. Gjatë ditës janë kryer 650 testime dhe janë konfirmuar 143 raste të reja me virusin korona. Ndërsa numri i të shëruarve raportohet të jetë 51.

Ministria e Shëndetësisë njoftoi se në spitalet Covid në vend janë momentalisht të shtruar 119 persona, prej të cilëve 14 janë në terapi intensive dhe 3 të intubuar. 

Ka shkuar mbi 21 milionë numri i të infektuarve me Covid-19, në mbarë botën.  Organizata Botërore e Shëndetësisë ka raportuar  për një rekord  të ri prej 294 mijë e 237 raste reja me COVID-19 në 24 orët e fundit. Këto shifra të larta e rendisin SHBA-në në vendin e parë për nga numri i të infektuarve dhe të vdekurve nga “Covid-19”.

Numër të lartë të të prekurve  me virusin corona, janë regjistruar kudo, e në veçanti  vazhdojnë të jenë të lartë numrat e të prekurve  në Francë dhe Rusi.