Rritja e rasteve me virusin korona, Europa po shkon drejt mbylljes

Franca,  ka ndaluar grumbullimin e shumë personave në disa rajone . Bllokimi i Francës u vendos në 17 mars, por kufizimet filluan të lehtësohen në 11 maj.Sidoqoftë, pas shpërthimeve të freskëta në korrik, qeveria vendosi që maskat në fytyrë të jenë të detyrueshme në hapësira publike dhe vende të mbyllura.Që nga 10 gushti, maskat kanë qenë të detyrueshme për moshën 11 vjeç e lart.Nga 15 gushti, njerëzit që hyjnë në Mbretërinë e Bashkuar nga Franca do të duhet të bëjnë karantinë për 14 ditë.

 

Më 4 maj, Spanja përcaktoi planin e saj për të filluar lehtësimin e një prej bllokimeve më të rrepta në Europë. Urdhrat e qëndrimit në shtëpi janë lëshuar për katër milion banorë në Katalonja dhe këto masat pritet që të vendosen përsëri.Qeveria vendosi qe maskat duhet të mbahen nga të gjithë qytetarët me detyrim.

 

Gjermania filloi të lehtësojë bllokimin e saj në muajin prill, duke lejuar hapjen e dyqaneve të vogla.Në maj, dyqanet e të gjitha madhësive dhe shkollave filluan të rihapen.Sidoqoftë, një rritje e rasteve të lidhura me një fabrikë të përpunimit të mishit pranë qytetit perëndimor të Gütersloh shkaktuan bllokime të reja lokale.Testimi në aeroporte tani është i detyrueshëm për të gjithë udhëtarët që vijnë nga vendet me rrezik të lartë.

 

Bllokimi i rreptë i Italisë filloi në 7 Mars dhe u hoq gradualisht dy muaj më vonë. Bare, restorante, parukeri, muzetë dhe vendet turistike të gjitha u rihapën me distancim të rreptë social dhe vendosjen e detyrueshme të maskës në fytyrë.Më 3 qershor, Italia rihapi kufijtë e saj dhe përfundoi kufizimet rajonale të udhëtimit.Por me numrin e rasteve që po vijojnë të rriten përsëri në Itali dhe nëpër Europë, udhëtarët që vijnë nga Kroacia, Greqia, Malta dhe Spanja tani përballen me testime të detyrueshme për Covid-19.Autoritetet urdhëruan mbylljen e të gjitha sallave të kërcimit dhe klubeve të natës që nga data 17 gusht. Gjithashtu qytetarët tani duhet të vendosën maskë nga ora 18:00 deri në 06:00 me kohën lokale në të gjitha hapësirat publike në të gjithë Italinë, ku distancimi social nuk është i mundur.

 

Greqia regjistroi rastin e parë me Covid-19 më 26 shkurt dhe menjëherë vendi u vendos në karantinë.Masat e lehtësimit filluan në fund të prillit. Megjithatë, numri i rasteve filloi të rritet përsëri në korrik.Që nga 29 korriku, maskat në fytyrë kanë qenë të detyrueshme në supermarkete, dyqane, kafene, banka, zyra qeveritare dhe parukeri.Nga 17 gushti, baret, klubet dhe restorantet në Athinë dhe disa zona në të gjithë vendin duhet të mbyllen në mesnatë.