115 të arrestuar në Tiranë për vjedhjen e energjisë

Pas paralajmërimit të kryeministrit, Edi Rama, se të gjithë ata që vjedhin energjinë do të burgosen, sot në ditën e tretë të operacionit kemi këtë bilanc: 115 persona të arrestuar dhe 50 të shpallur në kërkim. Nga ana tjetër janë prerë qindra lidhje të paligjshme të energjisë elektrike.

 

Kryeministri, Edi Rama dhe ministri i Brendshëm, Saimir Tahiri, kanë paralajmëruar se aksioni do të vazhdojë deri në arrestimin e të gjithë hajdutëve të energjisë.

 

Ndër të arrestuarit e ditës së sotme ishte edhe Bujar Brovina, ish-drejtor i “Qytetit të Studentit”, aktualisht anëtar i Këshillit Kombëtar të Partisë Demokratike.

 

Arrestimin e tij e njoftoi ministri i Energjisë, Damian Gjiknuri, gjatë fjalimit në parlament.

 

Faza e parë e këtij operacioni është përqendruar kryesisht tek bizneset, për t’u shtrirë më pas edhe tek familjarët.