Përdorimi i gjuhës shqipe, publikohet doracak për shkresat në dygjuhësi

 

“Ky doracak I udhëzon konkretisht dhe ua sqaron mirë nëpunësve administrativë, I orienton me shumë saktësi drejt të drejtës ligjore, krijon ndërgjegjësimin për shfrytëzimin praktik të saj. Prandaj brenda tij janë dhënë gjitha format e nevojshme që u nevojiten atyre në rrafshin e komunikimit administrativ si të shkruhet një lutje, një kërkesë, një njoftim, një procesverbal, një ftesë, një kontratë, një ankesë etj.”, tha Ylber Sela, drejtor i Agjencisë së Zabtimit të Gjuhës.

 

Në doracak nuk janë përfshirë gjitha shkresat por vetëm më të shpeshtat. Përpos anës vizuale, autorët e doracakut kanë dhënë udhëzime se si të tejkalohen edhe gabimet drejtshkrimore gjatë përkthimit nga gjuha maqedone në shqip.

 

“Nëse është gjuha origjinale në gjuhën shqipe shkruhet në anën e djathtë dhe në anën tjetër shkruhet në maqedonisht dhe anasjelltas nëse është origjinale shkruhet e para në maqedonisht dhe në anën tjetër në shqip. Shpesh gjatë përkthimit fjalët janë përkthyer drejtëpërdrejtë nga maqedonishtja apo nga gjuhët e tjera slave dhe janë përdoruru gabimisht në gjithë këto vite dhe ne I kemi trajtuar pikërisht ato gabime që të shmangen në aspektin drejtshkrimor.”, tha Ajtene Qamili, profesore e gjuhës.

 

Publikimi I doracakut është në kuadër të shpenzimeve vjetore për botim që ka Agjencia për Zbatimin e Gjuhës e të cilat arrijnë vlerën prej 1.3 milion denarë.