Nxënësit pa mujore vjetore, i zbresin nga autobusët

Nxënësit e shkollave të mesme në Shkup, vazhdojnë të vetëfinancojnë transportin e tyre deri tek shkollat. Edhe pse kanë mbetur vetëm 3 ditë para skadimit të afatit për dhënien e mujoreve vjetore nga Ndërmarrja Publike e  Transportit, nxënësit e anketuar nga TVM-2 ankohen se tashmë 2 muajt e fundit kalojnë nëpër golgotë të vërtetë nëpër autobusët e NPQ –së.

 

Janë të obliguar të paguajnë bileta për çdo ditë, sepse kontrollorët e Ndërmarrjes Publike të Transportit nuk i pranojnë mujoret e vitit të kaluar, ndërsa një pjesë tjetër e nxënësve nuk kanë si të justifikohen nëpër autobusë se janë nxënës, sepse u mungon vërtetim në dorë. Më të prekur në këtë situatë janë nxënësit e vitit të parë, të cilët udhëtojnë edhe me 4 autobusë në ditë.

A i keni marrë mujoret? 

 

“Jo, nuk na i kanë dhënë akoma”- u përgjigj një nxënës.

 

“Po, i paguaj autobusët, njëherë paguaj 2-in prej Sarajit deri në “Siti Moll”, më pas 19-ëshin”- theksoi një nxënës.

 

Mujoren e vitit të parë ku e keni? 

 

“Ajo është e vjetër, nuk e pranojnë më. Na zbresin prej autobusit”- u shpreh një nxënëse.

 

“Duke ardhur nga shkolla, ia kam treguar mujoren e vitit të parë kontrollorëve të NPQ –së dhe më kanë nxjerrë jashtë”- tha një nxënës.

 

“Kështu hipim në autobus, me paratë e tona”- potencoi një nxënëse.

 

“Vetë e paguajmë biletën”- tha një nxënëse.

 

 A keni marr ndonjë vërtetim?

 

“Jo, asgjë deri më tani”- u shpreh një nxënës.

 

Afati i fundit për lëshimin e mujoreve vjetore për nxënësit e shkollave të mesme është deri më 1 nëntor. 

 

NPQ nuk iu përgjigj pyetjeve tona se a do t’i  sigurojë mujoret e nxënësve prej ditës së hënë.