Ohër, mbrëmje çeke në festivalin “Vera e Ohrit”

Programi muzikor i Festivalit “Vera e Ohrit” solli koncertin e 4 me piano “Bah për ty”, të interpretuar nga artistë profesionalë të orkestrës “Virtuozët çekë”.

 

Edhe pse në kohë pandemie, artistët të cilët u mbështetën nga ambasadori çek, nuk hoqën dorë nga projekti dhe  interpretuan para publikut në Ohër. 

 

“Ky koncert nuk do të ishte realizuar pa zemërgjerësinë e madhe të Kompanisë “Petrov”, e cila prodhoi dhe dërgoi 4 piano për sonte. Këto piano do të qëndrojnë në Maqedoninë e Veriut dhe do të vendosen në Shkup dhe kushdo që dëshiron t'i shohë, përdorë ose blejë ato do të jetë i mirëpritur. Bëhet fjalë për piano nga kompania më e vjetër dhe më e famshme në Çeki që prodhon piano për më shumë se 150 vjet.”,- tha ambasadori i Çekisë në RMV, Miroslav Toman.

 

“Programi i mbrëmjes i quajtur “Bach për ju” është i dedikuar për një nga kompozitorët më të mëdhenj në botë, Johann Sebastian Bach, i cili feston 335 vjet që nga lindja e tij, dhe 270 vjet nga vdekja e tij e cila gjithashtu përkon me vitin jubilar të Festivalit të Verës së Ohrit.”,- u shpreh pianistja, Ema Jedliçka Gogova.

 

Festivali “Vera e Ohrit” është një nga evenimentet më të rëndësishme për Ohrin dhe më gjerë, me  një larmishmëri të koncerteve dhe artistëve pjesëmarrës.