OBSH: Virusi korona në botë po ngadalësohet

 

OBSH ka arritur në këtë konkluzion pasi ka krahasuar të dhënat e rasteve të reja dhe vdekshmërinë javë pas jave.

 

Më shumë se 1.7 milion raste të reja dhe 39 mijë viktima janë regjistuar nga 17 deri 23 gusht ose e thënë ndryshe 5% më pak të infektuar dhe 12% më pak humbje jete, krahasuar me javën paraardhëse.

 

Ngadalësimi është duke u vënë re kudo përveçse në zonën e juglindjes së Azisë dhe pjesën e Mesdheut lindor.

 

Në dy zonat e fundit rastet e reja me Covid-19 janë rritur përkatësisht 4.06% dhe 4.28%. Në kontinentin amerikan, rënia e të prekurve të konfirmuar ishte 11.35%, në Europë me 0.9% dhe në Afrikë me 8.4%.