Covid-19, 4 viktima dhe 157 raste të reja në Kosovë

Gjithashtu  nga  511 mostra të marra ,  rezultojnë 157 persona kovid  pozitivë.  Edhe sot vazhdon të kryesojë Prishtina me 52 raste.

Numri total i rasteve pozitive është 12.840 dhe gjithsej janë regjistruar 492 persona që e kanë humbur betejën me virusin.

Gjatë 24 orëve të fundit, janë shëruar 154 pacientë derisa numri i përgjithshëm i të shëruarve deri më sot është gjithsej 8.942 raste, kurse numri i rasteve aktive është 3.406.

Ka hyrë në fuqi ndërkohë ligji i ri që parasheh gjoba prej 35 eurosh për çdokënd që nuk mban maskë apo nuk respekton distancën sociale.