Nata e pestë e festivalit teatror në Dibër

Autori i veprës dhe njëkohësisht regjisori i shfaqjes teatrale sjell problematikën aktuale të shoqërisë shqiptare, së cilës e kaluara e hidhët, pra koha komuniste i ngatërrohet akoma nëpër këmbë.

 

Në shfaqe, gjatë gjithë kohës sulmohet mungesa e lirisë së sjelljes dhe fjalës, ndjekja nga sigurimi e familjeve shqiptare, duke i përcjellë deri në vdekje. Edhe pse ka afër një çerek shekulli i shkëputjes nga komunizmi, fabula e kësaj drame sjell në vëmendje faktin se kjo e shkuar e hidhët vazhdon të na përndjekë.

 

Sonte, në natën e pestë të festivalit, para publikut dibran do të paraqitet trupa teatrore “Andon Zako Çajupi” nga qyteti i Korçës, me pjesën “Kapitulli i dytë”, i autorit Neil Simon, me regji të realizuar nga Qëndrim Rijani.