Maqedoni
Programi i Qeverisë, VMRO-DPMNE: Qeveri e gënjeshtave, program farsë
29.08.2020 17:21
Për opozitën gjithë ajo që u tha në ekspozenë e mandatarit Zaev është farsë dhe nga ajo që premtohet...
Për opozitën gjithë ajo që u tha në ekspozenë e mandatarit Zaev është farsë dhe nga ajo që premtohet, nuk do të realizohet asgjë. Deputetët e VMRO-DPMNE-së thanë se e vetmja gjë që do të rritet nga kjo Qeveri, që e cilësuan koalicion të gënjeshtrës, si janë shifrat e papunësisë dhe emigrimi.
“Konsiderojmë se kjo qeveri, vetëm në ditën e ekspozesë mund të ketë fjalë të mira për ekonominë. E vetmja gjë që do të rritet çdo ditë, janë çmimet, papunësia dhe mërgimi. Pushteti është i paaftë, premton investime të huaja, ndërsa nuk pamë asnjë emër të një ndërmarrje të huaj investuese.”, tha Antonio Milloshovski, deputet i VMRO-DPMNE-së.
“E shohim që premtimet e zgjedhjeve nuk vlejnë dhe për këtë ky koalicion është gënjeshtër. Ky është koalicion i mashtrimeve në zgjedhje, sepse bëhej ryshfet dhe presion dhe ndarje selektive e kartelave. Ky është koalicion dhe qeveri me shumicë më të vogël në historinë.”, tha Aleksandër Nikollovski, deputet i VMRO-DPMNE-së.
Aleanca për Shqiptarët –Alternativa: Nuk ka vjen radha, tendencë për të na heshtur
Opozita shqiptare u ankua se nuk i jepet fjala në foltore dhe këtë veprim e cilësoi si tendencë për ti heshtur. Kryeprlamentari Xhaferi ju kundërpërgjigj se nuk e mban ai radhitjen e paraqitjes së deputetëve
“Nuk respektoni as raportin numerik mes grupeve të deputetëve që vijnë nga lista të ndryshme. VMRO nuk është 6 herë më e madhe se grupi i ASH-AAA por është diku 3 e gjys dhe kërkoj këtë ta respektoni së paku në çdo 3 apo 4 deputet të opozitës të jetë njëri nga koalicioni. Është e qartë kjo tendecë për ta mbyllur zërin e opozitës. Nuk jemi 2 apo 3 deputet, jemi 12 dhe tash e tutje këtë do e keni parasysh.”, tha Syrja Rashidi, deputet i koalicionit ASH-AA.
“Tash e tutje do të uleni ju deputetët e opozitës dhe do ta bëni listën dhe do ma dorëzoni ashtu si do ta bëni rradhitjen dhe ska kurfarë problemi. Rregullorja thotë se listën e bën kryetari i Parlamnetit konform asaj çfarë është përfaqsim i partive politike. Ndryshe skam çka ju bëj ose do të vlej ajo që është kompetenc e imja ose do të vlej ajo që do merren vesht koordintarorët për faktin që akoma skemi koordinator, për këtë punë le te merren vesht koordinatorët e partive. Unë rrasdhitjen duhet ta bëj për mua është me rëndësi është opozitë-pozitë 2 me 1, tash unë këtu nuk bëj zënka do jetë ky apo ai.”, tha Talat Xhaferi, kryetar i Kuvendit.
Edhe VMRO-DPMNE dhe koalicioni ASH-AA, nuk do ta votojnë qeverinë e re
ZEKIRJA MEXHITI