Mali i Zi lehtëson masat për hyrje në kufi

 

Qeveria malazeze kumtoi edhe se është lehtësuar hyrja për shtetasit malazezë dhe të huajt të cilët në mënyrë të përhershme apo të përkohshme qëndrojnë në Mal të Zi prej vendeve të rajonit, në rast se qëndrojnë në këto vende deri në 48 orë.

 

“Pas kthimit në Mal të Zi, këtyre personave u është shqiptuar masa për mbikëqyrje shëndetësore që nënkupton lëvizje të lirë, por ndjekje e përditshme e simptomave dhe paraqitje tek mjeku deri në skadimin e Vendimit të lëshuar nga inspeksioni sanitar pas kthimit”, thonë nga Qeveria.

 

Sikurse deri më tani, hyrja në Mal të Zi mundësohet pa kushte shtesë për banorët e vendeve të “listës së gjelbër”, ndërsa banorët e vendeve të “listës së verdhë” mund të hyjnë në Mal të Zi me rezultat pozitiv të testit serologjik.

 

Në grupi e e vendeve të “listës së verdhë” bëjnë pjesë Shqipëria, Maqedonia e Veriut, Kosova, Serbia,  Bosnjë e Hercegovina, Australia, Izraeli, Libani, Sejshel, Singapuri dhe ShBA.

 

“Banorët e të gjitha vendeve të ‘listës së verdhë’, gjithashtu, mund të hyjnë në Mal të Zi me rezultat negativ të testit serologjik për klasën e antitrupave të lgM ose me rezultat negativ të testit PCR për koronavirusin e ri (SARS-CoV-2), që janë lëshuar nga laboratori i regjistruar dhe nuk janë më të vjetër se 72 orë. Kushti është personi të mos ketë qëndruar në ndonjërin prej vendeve të “listës së kuqe” në periudhë prej 15 ditësh para hyrjes në Mal të Zi, gjegjësisht në njërin prej vendeve prej të cilave nuk lejohet hyrja në Mal të Zi”, kumtoi Qeveria e Malit të Zi.