“Covid 19”, 127 raste të reja, 95 të shëruar, 5 viktima

Gjatë 24 orëve të fundit në vend prej 1547 testime të realizuara, 127 persona kanë rezultuar pozitiv me Covid-19 njoftojnë nga Ministria e Shëndetësisë.

Prej tyre numri më i madh i personave të infektuar janë nga Shkupi, më pas vijon Kumanova me 11 raste, Gostivari me 10, Prilepi me 8 raste, Delçeva me 7 raste, Struga, Strumica dhe Kriva Pallanka me nga 5 raste, Ohri me 4 raste, nga tre raste janë paraqitur në Gjevgjeli, Probishtip, Pehçevë, Berovë, në Koçan dhe Kërçovë nga 2 raste dhe Velesi, Makedonski Brodi, Manastiri, Dibra, dhe Kratova me nga 1 rast.

Ndërkohë, Instituti i Shëndetit Publik ka regjistruar 95 pacientë të shëruar, prej tyre 37 nga kryeqyteti.

Nga Ministria e Shëndetësisë bëjnë të ditur se në 24 orët e fundit 5 pacientë e kanë humbur betejën me virusin korona.

Deri tani virusi korona ka marrë jetën e 614 personave.

Në Klinikën Infektive kujdes mjekësorë pranojnë 89 persona, 47 prej të cilëve janë në oksigjeno terapi, ndërsa në Spitalin “8 Shtatori” janë të shtrirë 24 pacientë, 2 prej të cilëve në aparat për frymëmarrje artificiale.