Greqi, zjarri shkatërroi kampin e madh të migrantëve

Kampi i stërngarkuar “Moria” gjendet në Ishullin Lesbos. Rreth 25 zjarrfikës dhe 10 pajisje tjera kanë luftuar zjarret, ndërkohë që migrantët janë evakuuar. Gjendja shëndetësore e disave prej tyre është rënduar për shkak të ekspozimit ndaj tymit.

 

Në disa raportime është thënë se migrantët që kanë protestuar kundër rregullave për koronavirus mund të kenë nisur zjarrin, ndonëse ky pretendim nuk është konfirmuar. Në zonën “Moria” strehohen rreth 13 mijë persona, apo katër herë më shumë sesa kapaciteti zyrtar i kampit. Zëvendësguvernatori i Lesbosit, Aris Hatzikomninos, është raportuar të ketë thënë për një radio lokale se kampi është “shkatërruar plotësisht”. Kryeministri grek, Kyriakos Mitsotakis, do të organizojë një takim të jashtëzakonshëm për këtë zjarr më vonë gjatë ditës.