Covid 19, 4 viktima në Shqipëri, 2 viktima në Kosovë

 

"Sipas MSH, aktualisht në spitalin Infektiv dhe “Shefqet Ndroqi” po trajtohen 185 pacientë, 15 në terapi intensive, nga të cilët 6 pacientë janë të intubuar. Ju informojmë se në 24 orët e fundit, me gjithë përpjekjet e mjekëve, e kanë humbur betejën me COVID19 një 64-vjeçar nga Korça dhe 3 qytetarë nga Tirana: një 71-vjeçar, një 81-vjeçar, një 89-vjeçar.", Eugena Tomini nga Instituti i Shëndetit Publik-Shqipëri.

 

Ndërkohë Kosova ka shënuar një bilanc të ngjashëm me atë të një dite më parë duke regjistruar 2 viktima nga COVID-19 dhe 61 raste të reja. Bie në sy se numri i të shëruarve mbetet i lartë, pasi 119 pacientë fituan betejën me COVID-19 në 24 orët e fundit. Ndërkohë numri i përgjithshëm i viktimave në Kosova ka arritur në 613 kurse i të infektuarve mbi 15 mijë. Sa i përket rasteve të sotme, Prishtina mban kryesimin me 19 të infektuar dhe ndjekin më pas Komunat e tjera me shifra njëshifrore.

 

 

Akoma shifra alarmantëve në Francë për shkak të koronavirusit. Në 24 orët e fundit janë regjistruar 13.498 raste të reja me Covid-19.Për ditën e dytë radhazi është kaluar shifra e 13.000 rasteve, pothuajse 300 më shumë në krahasim me bilancin e ditëve më parë. Janë regjistruar gjithashtu 58 vatra të reja me të infektuar. Franca vazhdon të ketë një numër rekord me të infektuar në Europë. Numri total i të infektuarve në Indi ka shkuar në 5.4 milionë pas 92,605 rasteve të reja me koronavirus në 24 orët e fundit. Vendi ka regjistruar numrin më të madh të rasteve ditore në botë që nga fillimi i gushtit, dhe mbetet prapa vetëm SHBA-së, e cila ka 6.7 milionë raste në total.