“Gjahu” i Speciales, priten arrestime të tjera në Kosovë

 

Prokuroria, në një njoftim për shtyp, ka spjeguar se Mustafa dyshohet që gjatë kohës së luftës, në një qendër të UÇK-së, në periferi të Prishtinës, ka marrë pjesë në ndalim dhe torturë të paligjshme të civilëve. Aty dyshohet që një person e ka humbur edhe jetën. Mustafa pas luftës ka qenë i angazhuar në TMK e më vonë edhe në FSK. 

 

Në muajin shkurt, Prokuroria e këtij Tribunali i kishte dorëzuar propozim-aktakuzat para gjykatësve, të cilët brenda gjashtë muajsh do të duhej t’i konfirmonin ose t’i hidhnin poshtë pretendimet e prokurorëve. 

 

Përveç propozim-aktakuzave të muajit shkurt, Prokuroria  ka dorëzuar në muajin prill edhe disa propozim-aktakuza të tjera ku përfshihen krerët e UÇK-së, përfshirë këtu presidentin e Kosovës, Hashim Thaçi dhe kryetarin e PDK-së, Kadri Veseli. Afati i fundit për konfirmimin ose jo të këtyre aktakuzave, është muaji tetor.