Covid 19 në botë, kalon një milion numri global i viktimave

 

Sipas të dhënave të Universitetit Johns Hopkins, shifra kapërceu një milion pasi numri i viktimave në Indi u rrit mbi 95,500. Sekretari i Përgjithshëm i Kombeve të Bashkuara, Antonio Guterres, përmes një video-mesazhi tha se ky është një moment i pikëllueshëm historik, dhe se dhimbja është shumëfishuar nga egërsia e kësaj sëmundjeje".

 

Përpjekjet për të zhvilluar një vaksinë efektive vazhdojnë, edhe pse Organizata Botërore e Shëndetësisë ka paralajmëruar se numri i të vdekurve mund të arrijë në dy milionë, përpara se vaksina të jetë gjerësisht e disponueshme.Ky zhvillim vjen gati dhjetë muaj pasi lajmet për koronavirusin kanë filluar të dalin nga Vuhani i Kinës.Virusi, që atëherë, është përhapur në 188 vende të botës, duke infektuar mbi 32 milionë njerëz. Izolimi dhe masat e tjera për ta frenuar atë i kanë futur shumë ekonomi në recesion. Shtetet e Bashkuara kanë numrin më të lartë të viktimave në botë: rreth 205,000; pas tyre vjen Brazili me mbi 141,700 dhe India me mbi 95,500.