Afganistan, u rrëzuan 2 helikopterë ushtarakë, 9 të vdekur

Nëntë persona kanë humbur jetën si pasojë e rrëzimit të 2 helikopterëve ushtarakë në rajonin Helmand në jug të Afganistanit.

Ministria afgane e Mbrojtjes bëri të ditur se 2 helikopterë ushtarakë të tipit ” MI-17″ të Forcave Ajrore të Afganistanit u rrëzuan menjëherë pas ngritjes nga zona Nave në rajonin Helmand.

Helikopterët u rrëzuan për shkak të një defekti teknik dhe si pasojë humbën jetën 9 persona, thuhet më tej në deklaratë.

Ndërkohë dëshmitarë okularë pretentojnë se dy helikopterët që kanë marrë ushtarët e plagosur në zonën Nave janë përplasur menjëherë pas ngritjes dhe se në aksident kanë humbur jetën më shumë se 10 ushtarë.