Covid-19, Mali i Zi - vendi i parë në Evropë me numër më të madh të infektuarish

 

Ndërsa në 24-orëshin e fundit, Shqipëria ka regjistruar 295 raste të reja dhe 3 humbje jete. Kosova është në vendin e 17 në Evropë, derisa sipas raportit të 24 orëve të fundit, në Kosovë, kanë humbur jetën 3 pacientë, si dhe janë konfirmuar 118 raste të reja pozitive. Kroacia rradhitet në vendin e 28-të, ndërsa Serbia në vendin e 30-të. 

 

Franca raportoi mbi 30 mijë raste të reja dhe kjo është arsyeja për përforcimin e masave, me orë policore për së paku një muaj. Në Belgjikë të gjitha baret dhe restorante janë mbyllur për katër javë edhe Zvicra reagoi ndaj rritjes së ndjeshme të rasteve duke e bërë maskën të detyrueshme në hapësira publike. Italia do t’i ashpërsojë masat, pas rritjes së numrit të rasteve të reja. Kryeministri Konte tha se masat janë të nevojshme “për të shmangur izolimin e plotë”.Republika çeke po shqyrton mundësinë e një izolimi tjetër, ndërsa Irlanda do të njoftojë masa më të rrepta gjatë ditës. Numri global i rasteve të konfirmuara me virusin korona kaloi në mbi 40 milionë njerëz. Sipas tyre, numri i përgjithshëm i viktimave është mbi 1.1 milion, ndërsa i të shëruarve mbi 27.5 milionë. Shtetet e Bashkuara janë vendi më i prekur në botë, me mbi 8.1 milionë njerëz të infektuar dhe mbi 219,000 viktima.