Eskalon sërish situata në Jerusalem
Ka eskaluar situata në Jerusalem pas lutjes të së premtes kur palestinezët hodhën gurë mbi policinë që kishte ngritur barrikada që në mëngjes në hyrjen “Porta e Damaskut” të qytetit të vjetër të Jerusalemit, për t’i paraprirë trazirave të mundshme........
Policia gjuajti me bomba-tymi dhe gaz-lotsjellës kundër protestuesve. Lajmërohet për 7 të lënduar mes protestuesve palestinezë.
Tensionet u ngritën pikërisht prej pengimit të kalimit të lirë nga ana e policisë izraelite, e cila thotë se kjo masë sigurie u ndërmor pas problemeve të shfaqura në “Malin e Tempullit” apo “Haram al-Sharif”.
Megjithatë, disa prej kufizimeve janë lehtësuar gjatë ditës, duke qenë se forcat izraelite lejojnë të gjithë burrat mbi 35 vjeç dhe të gjitha gratë të hyjnë në vendin e lutjeve. Policia izraelite u përplas edhe të mërkurën me të rinj palestinezë në vendin e shenjtë, duke lënë më shumë se 15 persona të plagosur.
Ajo ditë shënoi përplasjet e fundit që kur aktivisti izraelit, rabini Yehuda Glick, u plagos rëndë teksa kërkonte më shumë të drejta për hebrenjtë në vendin ku hebrenjtë mblidhen, por nuk luten. Policia izraelite qëlloi për vdekje një të dyshuar për sulmin ndaj Glick.