Spitali modular po mbushet, 47 të shtruar, spitali ka kapacitet për 77 shtretër

23.10.2020 14:27

Kriza Covid19 po thellohet....

Kriza Covid19 po thellohet. Spitali modular pranë Klinikës së Sëmundjeve Infektive ka filluar të mbushet. Në të aktualisht ka  47 pacientë kovid pozitivë,  e spitali ka kapacitet për 77 të tillë.

Në Strumicë dhe Shtip, u caktuan repartet të tjera spitalore për pacientët Kovid, por sipas trendit në rritje të të infektuarve me pamje të rëndë klinike, nuk përjashtohet mundësia që në disa prej rajoneve , shërbimi “Termini im” të anulohet përsëri dhe punonjësit shëndetësorë të përqendrohen vetëm në trajtimin e pacientëve pozicivë ndaj Covid 19.

Dje, në vend u regjistruan  640 të  infektuar dhe 12 viktima. Listën me të infektuar të rinj vazhdon ta kryesojë Shkupi e në krye të listës negative të kryeqendrës, janë komunat e Aerodromit, Karposhit dhe Qendrës.