Liderët europianë reagojnë për sulmin në Vjenë: Jemi të gjithë me Austrinë

 

Presidenti francez Emmanuel Macron ka shprehur afërsinë e tij me Austrinë, duke shtuar se “kjo është Europa jonë. Armiqtë tonë duhet të kuptojnë se kush jemi. Nuk do të dorëzohemi kurrë. Pas Francës, një tjetër vend mik është i sulmuar”.

 

Presidenti i Këshillit Europian Charles Michel foli për “një akt burracak, që cenon vlerat njerëzore. Jemi të gjithë me Austrinë”.

 

Kryeministri britanik Boris Johnson tha se ai ishte “thellësisht i tronditur nga sulmet e tmerrshme”.Edhe presidenti shqiptar Ilir Meta ka shprehur ngushëllimin e tij për ngjarjet austriake. “Një akt që lë pa fjalë nga Vjena. Mendimet tona shkojnë për familjet dhe viktimat e Vjenës. Qëndrojmë krahas Austrisë dhe aleatët ndërkombëtarë në luftën kundër terrorizmit”.