Tiranë, studentët në protesta kundër mësimit online

 

Duke e quajtuar abuziv vendimin e marrë 3 ditë para fillimit të vitit të ri akademik, të rinjtë  kërkojnë rikthimin sa më shpejt në auditore.

 

Një ndër kërkesat e studentëve është dhe përgjysmimi i tarifës në universitete, ndërsa thonë se e kanë paguar tashmë tarifën e konvikteve.

 

Në mbështetje të protestës së studentëve këtë të martë ishin edhe pedagogë dhe ish- profesore. Sipas tyre është e pakuptimtë që studentët të lajmërohen për mësimin online pasi kanë bërë pagesat e tarifave dhe të konvikteve.

 

Studentët kanë paralajmëruar se nuk do të ndalen deri në anulimin e vendimit për hapjen e universitetëve.