Raportohet për grip të shpendëve në prefekturën Kagawa të Japonisë

 

Në një fermë pulash në prefekturën perëndimore Kagawa të Japonisë është raportuar për raste me gripin e shpendëve, transmeton Anadolu Agency (AA).

 

Sipas transmetuesit publik, NHK, në një fermë pulash në qytetin Mitoyo të prefekturës Kagawa kanë ngordhur një numër i madh i pulave.

 

Gripi i shpendëve H5 u zbulua në kafaz pas një hulumtimi të hollësishëm pasi menaxhuesit e fermës raportuan situatën në qendrën e higjienës për blegtori në prefekturë.

 

Pas kësaj u vendos asgjësimi i rreth 330.000 pulave në fermë.

 

Ndërkohë u ndalua lejimi i pulave në një zonë prej rreth 3 kilometrash përreth fermës dhe transportimi i vezëve përreth 10 kilometrave.

 

Ministri i Bujqësisë, Pylltarisë dhe Peshkimit, Nogami Kootaroo, në një konferencë për media tha se është njoftuar kryeministri Suga Yoshihide në lidhje me rastin.

 

"Për parandalimin e një epidemie është i rëndësishëm veprimi i parë dhe ministria jonë dëshiron të marrë të gjitha masat në bashkëpunim me administratën e prefekturës", u shpreh ai.

 

Në Kagawa edhe në janar të vitit 2018 ishte raportuar për grip të shpendëve në një fermë.