Maqedoni
Antarësimi i RMV-së në BE, Zaharieva: Kur të jetë gati, për momentin nuk është
17.11.2020 10:38
Republika e Maqedonisë së Veriut, do të bëhet anëtare e Bashkimit Evropian kur të jetë gati...

Republika e Maqedonisë së Veriut, do të bëhet anëtare e Bashkimit Evropian kur të jetë gati, por për momentin, Bullgaria mendon se RMV nuk është gati, tha për BNT Ministrja e Jashtme Bullgare Ekaterina Zaharieva para takimit të sotëm ministror të BE-së.
Diplomacia Bullgare nuk ka mundësi të ndjekë një politikë denigrimi të një vendi tjetër, të cilin, për fat të keq, e shohim në Shkup. "Ne jemi anëtar i Bashkimit Evropian, dhe vazhdojmë të mbështesim antarësimin e Unionit por për momentin Shkupi nuk i plotëson kushtet e përcaktuara në Marrëveshjen e Miqësisë", tha Zaharieva.
"Në të gjitha diskutimet për kornizën e bisedimeve, Bullgaria e shprehu të njëjtin qëndrim dhe ajo është që në këtë fazë nuk mund ta miratojë”, tha Zaharieva duke përkujtuar vijat e kuqe të Sofjes. “Këto janë tre gjëra kryesore: respektimi i formulës gjuhësore të vitit 99, e konfirmuar më pas në 2017; një udhërrëfyes për zbatimin e marrëveshjes që do të ndiqet gjatë procesit të negociatave dhe një tekst i qartë që nuk ka forma të mbështetjes për pakicën maqedonase në Bullgari”, tha Zaharieva.
Ajo këshillon Shkupin të mos heqë dorë nga problemi i parë në rrugën e miratimit të Kornizës Negociuese dhe paralajmëron se ka ende probleme dhe procesi nuk është i lehtë. Bullgaria, shton ai, ka kaluar të njëjtën rrugë.
"Kur pasionet të qetësohen, përfshirë edhe Bullgarinë, dhe të fillojmë të mendojmë më pak emocionalisht, kur ata ndalojnë t'i përmbahen ndërtimit të shtetit të tyre vetëm mbi ideologjinë anti-Bullgare, atëherë ata do të arrijnë shumë më tepër. Të vërtetës nuk mund ti iket", tha Zaharieva.
Ajo do të paraqitet para Parlamentit Bullgar dhe të përgjigjet në të gjitha pyetjet parlamentare në lidhje me RMV-në, pasi paraqitja të premten e kaluar u shty për shkak të një udhëtimi jashtë vendit.
