Mustafa: Sulmet na dëmtojnë, specialen e miratoi Kuvendi

 

Ai i konsideroi konstruktime të pavërteta sulmet ndaj lideri demokrat dhe thotë se ato nuk i vijnë në ndihmë pjestarëve të UÇK-së. Mustafa kërkoi ndalimin e sulmeve pa arsye të shëndosha, pasi e dëmtojnë Kosovën. 

 

“Gjykatën Speciale, nuk na e bëri Lulëzim Basha e Sali Berisha,.por për te vendosi Kuvendi i Kosovës. Nëse s’do ta bënte Kosova do të vendoste Këshilli i Sigurimit i OKB-së. Shqipëria nuk ka dorë dhe as hile në këtë vendim dhe as në proceset gjyqësore që u zhvilluan pas lufte. Për ne duhet të ketë qenë nder prezenca e shqiptarëve nga Shqipëria në misionin e UNMIK-ut, sikurse edhe e kosovarëve.  Baltosja e njerëzve pa asnjë arsye të shëndoshë dhe pa argumente nuk është rrugë dhe mënyrë e mbrojtjes së vlerave të UÇK-së, të vlerave të shtetit tonë dhe të shtetit shqiptar. Duhet të pushojnë sulmet e tilla, sepse po na dëmtojnë."  thotë Mustafa.