Vetoja bullgare, Luma: Faji shtrihet në marrëveshjen e fqinjësisë

 

“Kur është përpiluar dokumenti, dmth marrëveshja për Fqinjësi të Mirë dhe kur pala maqedonase është pajtuar për një histori të përbashkët këtu jep shans Bullgarisë dhe ne tani nuk mund të themi se Bullgaria nuk ka të drejtë se ata gjithnjë thiren në këtë nen, në këtë pikë të përbashkët se ne kemi histori të përbashkët.”, tha Ilir Luma, analist.

 

 

“Tani ju thoni se në atë marrëveshje palët kanë marrë obligim që të nisen nga historia e përbashkët. Të nisen nga historia e përbashkët, por jo se obligohen të deklarojnë se kanë histori të përbashkët. Të gjitha mesazhet që vijnë nga zyrtarë të BE lënë të kuptojsh që ata janë vetë, gjë që e sheh edhe zonja Zaharieva dhe zoti Karakaçanov dhe kjo u shton nervozë dhe bëjnë deklaratë jo mirë të menduar si këta të fundit.”, tha Faton Aliti, analist.

 

Analistët të ndarë në arritjen e reformave

 

Të rëndësishme vlerësohen edhe reformat, ku analistët shprehen të ndarë, duke fajësuar edhe shqiptarët se nuk kanë dhënë kontributin e duhur.

 

“Duhet të punohet por jo me njerëz të rastësishëm, jo me njerëz që bëjnë lajka, paraqiten parë institucioneve shtetërore unë jam me ty se pse duhet të më afirmosh, por duhet ti dalish atij përballë. atëherë je shumë më I mirë edhe për palën tjetër. Unë nuk shoh disponim nga pala shqiptare, për maqedonët s’kam pse të interesohem për këtë punë.”, tha Ilir Luma, analist.

 

“Përkundrazi unë mendoj se ka lëvizje pozitive, edhe nga pala maqedonase ka qasje shumë ndryshe ndaj kërkesave të shqiptarëve, që nuk them se është e shkëlqyeshme por është shumë ndryshe.”, tha Faton Aliti, analist.

 

Analistët vlerësojnë se zgjidhja e kontestit maqedono-bullgar pret konsolidimin e administratës Bajden dhe mbajtjen e zgjedhjeve në Bullgari në pranverë.