Sri Lanka, protesta në burg, tetë të vdekur

 

Të burgosurit u ngritën në një revoltë pas rritjeve të rasteve të infektimit me COVID dhe kërkuar që të liroheshin para kohe që të mos vijonte përhapja e sëmundjes.

 

Kur zëri i tyre nuk u dëgjua, ata  përdorën forcën kundër zyrtarëve të burgut e cila solli një përleshje të dhunshme.

 

Zëdhënësi i policisë Ajith Rohana tha që rojet kishin “përdorur forcë për të kontrolluar situatën”, duke shtuar se deri tani janë raportuar mbi 1000 të prekur nga COVID në burgje.

 

Raportet e medias thonë se rojet e burgut kishin hapur zjarr për të përmbajtur trazirat. Raportet lokale të lajmeve cituan banorët të cilët thanë se kishin parë një “zjarr masiv” në lokalet.

Zëvendës Inspektori Ajith Rohana i tha BBC Sinhala se i plagosuri ishte shtruar në spitalin lokal Ragama.

 

Rohana shtoi se një kontigjent i komandave elitare të policisë ishte thirrur për të forcuar sigurinë përreth burgut dhe pesë ekipe policie ishin vendosur gjithashtu.

 

Kjo është e fundit në një seri trazirash burgu që kanë ndodhur në Sri Lanka javët e fundit, pasi numri i rasteve me Covid-19 në burgje vazhdon të rritet.