OEMVP dhe Ministria e Ekonomisë nënshkruan memorandum bashkëpunimi

 

“Një memorandum i cili do të thellojë bashkëpunimin dhe komunikimin e OEMVP-së me Ministrinë e Ekonomisë ku të gjitha informatat, ndryshimet e ligjeve dhe interesi i OEMVP-së në aspektin e përpilimeve të këtyre rregullave në drejtim të legjislacionit dhe kushteve sa më te mira për sektorin e biznesit. Ky memorandum përkufizon një bashkëpunim ku ne si odë do të delegojmë një anëtar i cili do të jetë urë lidhëse.”,- tha kryetari i OEMVP-së, Nebi Hoxha.

 

“Ne kemi pasur një bashkëpunim të shkëlqyeshëm, por duke marrë parasysh seriozitetin e dy institucioneve përkatëse vendosëm që ta formalizojmë bashkëpunimin dhe në këtë mënyrë të ndajmë dhe të shkëmbejmë informata paraprake sa i përket krijimit të politikave të ndryshme dhe jo vetëm sa i përket krijimit të masave apo programeve të ndryshme që e tangojnë sektorin e biznesit në RMV.”,- u shpreh ministri i ekonomisë, Kreshnik Bekteshi.

 

Ministri Bekteshi shtoi se propozimet dhe kërkesat nga komuniteti i biznesit në lidhje me propozimin që e diela të jetë ditë jo-pune ende janë duke u shqyrtuar dhe po bëhen analiza por se vlerësoi se në fushën e hotelierisë dhe turizmit nuk do të ketë ndryshime. Për çështjen e njejtë Hoxha dhe Bekteshi thanë se detajet do të konkreziohen gjatë javëve në vijim. Ata shtuan se do të vazhdojnë thellimin e bashkëpunimit me vetmin qëllim për të sjellë politika që do të krijojnë një klimë më të favorshme për bizneset.