Covid 19, 68 mln raste, 1.5 mln viktima, 47 mln të shëruar

 

Në SHBA,  teksa numri i rasteve me Covid-19 është rritur ndjeshëm dhe spitalet janë përballur me shtim të shtrimeve, një spital në Nevada ka hapur një “pavion” Covid në parkimin e godinës. Qendra Rajonale Mjekësore në Reno, e famshme për cilësinë e shërbimit mjekësor, ka kuruar brenda gati një muaji, më shumë se 200 pacientë aty. Sigurisht, metoda nuk është optimale dhe mjekët që punojnë aty e pranojnë këtë fakt. “Sipas të dhënave zyrtare, shtrimet në Nevada po rriten me ritme të shpejta që prej muajit tetor, ndërsa numri i rasteve pozitive vijon të rritet prej shtatorit, duke kapur pikun në dhjetor.

 

Organizata Botërore e Shëndetësisë përshëndeti fushatën e vaksinimit në Mbretërinë e Bashkuar. Megjithatë tha se arritja e imunitetit të tufës është ende larg dhe bëri thirrje që vëmendja të jetë tek masat parandaluese, pasi vetëm ato mund të frenojnë përhapjen e Covid-19.