Aksidentet, të gjithë duhet të dimë të japim ndihmën e parë

Ndoshta ju mund të besoni se kjo është një fatkeqësi, por në të vërtetë kjo është një “pjesë teatrale”, apo ushtrime stimuluese të cilat janë organizuar nga “Kryqi i Kuq”, me rastin e 70 vjetorit të çlirimit të Shkupit.

 

Ushtrimet përfshinin  shpëtimin nga autobusi të rreth njëzet personave të lënduar. Gjashtëdhjetë anëtarë vullnetarë nga ekipi i emergjencës ishin pjesë e kësaj ngjarje, e cila ka për qëllim trajnimin e anëtarëve për raste emergjente. 

 

“Këto  ushtrime stimuluese do të përçojnë deri tek qytetarët rëndësinë e asaj se sa duhet të jemi të përgatitur në katastrofa natyrore apo katastrofa të shkaktuara nga njeriu. Gjithashtu këto ushtrime janë të rëndësishme edhe për ne, “Kryqin e Kuq”, që të marrim mësim dhe ta kuptojmë se deri në cilin nivel janë kapacitetet tona dhe a mund të reagojmë në kohën e duhur në rast nevoje”- deklaroi një përfaqësuese e “Kryqit të Kuq”.

 

“Është e nevojshme që të ketë sa më shumë ushtrime të këtilla stimuluese, që ekipet  e shpëtimit të trajnohen më tepër, në rast se ndodh një ngjarje e tillë në të vërtetë, ata të jenë të gatshëm të intervenojnë në kohë”- tha anëtarja e “Kryqit të Kuq”, Keti Petreska.

 

“Më shpëtuan njerëzit e “Kryqit të Kuq”, ata erdhën shpejt dhe e kontrolluan së pari beben time dhe më pyetën a është fëmija mirë dhe a jam unë mirë. Puna që bënë ata ishte shumë profesionale, sepse ata menjëherë hynë në autobus, na shpëtuan neve, në radhë të parë ju ndihmuan atyre që ishin të lënduar”- u shpreh anëtarja e “Kryqit të Kuq”, Aleksandra Danieloviq.

 

Nga “Kryqit të Kuq” apeluan deri tek të gjithë qytetarët që të marrin leksione për ndihmën e parë, e cila duhet t’u jepet të tjerëve në raste fatkeqësish, sepse secili nga ne mund të jetë viktimë e ndonjë katastrofe të tillë, pavarësisht kush e shkakton atë.