Rama: Ministri Lleshaj më ka dorëzuar dorëheqjen

Ministri i brendshëm i Shqipërisë, Sandër Lleshaj, i ka dorëzuar kryeministrit, Edi Rama, dorëheqjen nga posti pas vrasjes së të riut, Klodian Rasha, nga ana e policisë, që shkaktoi protesta të dhunshme në Shqipëri.

Kryeministri Rama ka kërkuar falje për incidentin, ndërsa ka theksuar se ngjarja në fjalë është një rast i shkëputur i një polici.

Gjatë ditës, Rama ka vizituar edhe familjen e të ndjerit për t’i shprehur ngushëllime.