Zbulimi në Spanjë; njerëzit mund të kenë pasur periudhë letargjie
21.12.2020 12:45
Më shumë se 400 mijë vjet më parë, njerëzit mund t’i kenë mbijetuar periudhave shumë të ashpra dimërore, duke kaluar në gjumë disa muaj të vitit, kanë zbuluar ekspertët e fosileve.
Më shumë se 400 mijë vjet më parë, njerëzit mund t’i kenë mbijetuar periudhave shumë të ashpra dimërore, duke kaluar në gjumë disa muaj të vitit, kanë zbuluar ekspertët e fosileve.
Provat e reja janë gjetur nga kockat e zbuluara nga një varr në veri të Spanjës. Këto fosile datojnë 400 mijë vjet më parë nga Neandertalët e hershëm ose paraardhësit e tyre dhe tregojnë se për muaj të tërë është ndaluar procesi i rritjes së kockave.
Studiuesit argumentojnë se shenjat e dëmtimit në kocka janë të njëjta me kafshët që kalojnë në gjumë letargjik.
Ekspertët i bazuan përfundimet e tyre në fosilet e gjetura nga shpella Sima de los Huesos në Spanjë, i cila vlerësohet se mban “thesare” të rëndësishme të paleontologjisë së botës.
Aty janë gjetur dhëmbë dhe kocka që datojnë më shumë se 400 mijë vjet më parë.