Shqipëri, 13 të vdekur e 389 të infektuar; Kosovë, 10 të vdekur e 137 të infektuar

Në Shqipëri në 24 orët e fundit janë regjistruar 389 raste të reja me Kovid-19 ndërsa 13 persona kanë humbur jetën.

 

Ministria e Shëndetësisë njoftoi se janë kryer 2420 testime dhe kanë rezultuar pozitivë 389 persona.

 

Po ashtu  janë shëruar 497 qytetarë, duke e çuar numrin e të shëruarve 29,249 që nga fillimi i epidemisë.

 

Aktualisht në 4 spitalet COVID, po trajtohen 344 pacientë, 19 në terapi intensive nga të cilët 4 pacientë janë të intubuar. 

 

Ndërkohë, 10 viktima dhe 137 raste të reja me virusin Korona janë regjistruar  në Kosovë. Instituti Kombëtar i Shëndetësisë Publike njoftoi se janë kryer gjithsej 841 testime.

 

Po ashtu bëhet e ditur se janë shëruar 382 pacientë. Numri i përgjithshëm i të infektuarve në Kosovë arrin në 49,306, persona prej të cilëve 1272 pacientë kanë vdekur 37,155 janë shëruar, ndërsa ka edhe 10879 raste aktive.