Dëbohet Mazzari, në krye të Interit Roberto Mancini
Roberto Mancini është kthyer në mënyrë të papritur tek Inter, po aq papritur sa është larguar nga stoli zikaltër Ëalter Mazzari...
Zërat për ndërrimin e trajnerëve kanë qarkulluar mëngjesin e së premtes dhe më vonë gjatë ditës janë konfirmuar nga burime të afërta me klubin.
Presidenti Thohir ka habitur të gjithë me lëvizjen e Mazzarit përpara derbit të 23 nëntorit. Kjo, pasi dukej se tekniku gëzonte besim të plotë dhe se mund të luante shansin e tij në ndeshjen me Milan dhe më pas me Romën.
Por presidenti ka zgjedhur zëvendësimin e tij duke parë gatishmërinë e shprehur më parë nga Roberto Mancini.
Sipas mediave italiane, me këtë të fundit është arritur një marrëveshje në orët e natës.
Mancini pritet të firmosë një kontratë prej 2 vjet e gjysmë dhe do të jetë në stolin zikaltër pikërisht për takimin e shumëpritur të 23 nëntorit.
Tekniku ka drejtuar më parë ekipin e Inter nga viti 2004 në 2008, duke fituar tre kampionate.