Prej nesër, obligimi për pajisje dimërore në komunikacion

Duke filluar që nga dita e nesërme e deri më 15 mars të vitit të ardhshëm, të gjithë shoferët në komunikacion janë të detyruar të posedojnë në bagazhin e makinës  goma dimërore, zinxhirë dhe lopatë, të cilat do t’u gjinden në rast se ngecin me makinë në dëborë.

 

Qyteti i Shkupit për dallim nga vitet e tjera, paralajmëron gatishmëri më të madhe me përballjen e kaosit  eventual në komunikacion, që mund të vijë si pasojë e dimrit. 

 

“Për mirëmbajtjen e rrugëve, të cilat janë nën kompetencat e Qytetit të Shkupit, do të angazhohen rreth 30 automjete speciale për pastrimin e rrugëve, ku 4 prej tyre do të jenë shpërndarës të kripës në rrugë. Mund t’ju them se Qyteti i Shkupit si kurrë më parë ka siguruar një sasi të madhe prej 2300 ton kripë”- deklaroi kryetari i Qyteti të Shkupit, Koce Trajanovski.

 

Të gjithë shoferet, të cilët nuk do t’i respektojnë rregullat në komunikacion në kushte dimërore, do të gjobiten sipas Ligjit për Sigurim në Komunikacion.