Vazhdon vaksinimi anti Kovid në vendet e BE-së

Në aeroportet italiane mbërrijnë 469.500 doza reja të vaksinës së Pfizer BioNtech që është dhe kuota javore që shtëpia farmaceutike do sjellë në Itali deri në furnizimin e plotë me 26.9 milionë vaksinave anti-Covid. Në Itali deri tani janë vaksinuar 8361 persona.

Çdo flakon vaksine anti-Covid e Pfizer/Biotech përmban 6 doza, ndërsa çdo dozë për çdo person është baras me 0.3 mililitër vaksinë. Vaksina ruse kundër koronavirusit Sputnik V arriti në Serbi.

Autoritete shëndetësore njoftojnë se kanë arritur 2,400 doza. Ndêrsa më 22 dhjetor, Serbia ka konfirmuar se ka pranuar kontingjentin e parë me 4,875 doza të vaksinës Pfizer/BioNTech.

Kompania farmaceutike kineze Sinopharm ka njoftuar se vaksina e saj është 70%  efektive ndaj COVID-19 dhe kërkon miratimin e shitjes nga autoritetet. Kjo vaksinë është miratuar nga Grupi Kombëtar Bioteknologjik i Kinës, një filial i kompanisë SinoPharm me pronësi shtetërore.

Më herët këtë muaj, Emiratet e Bashkuara Arabe miratuan zyrtarisht vaksinën eksperimentale të kompanisë Sinopharm, duke theksuar se ajo ka 86 për qind efektivitet. Kina ka gjithsej gjashtë kandidatë për vaksinën, të gjitha në fazën e fundit të testeve, përfshirë atë të prodhuar nga kompania Sinopharm dhe Sinovac, të cilat këtë verë u miratuan për përdorim emergjent në vend.

Numri i vdekjeve nga pandemia e Covid-19 në botë tejkaloi 1 milion e 465 mijë njerëz, numri i rasteve të infeksionit është mbi 63 milionë e 73 mijë, dhe më shumë se 43 milionë e 546 mijë të infektuar me virus janë shëruar deri më tani.

Numri më i lartë i viktimave njerëzore dhe rasteve të raportuara të infeksionit është në SHBA. Numri i vdekjeve në ShBA është mbi 273 mijë e 72 persona, ndërsa numri i rasteve të infeksionit është mbi 13 milionë e 750 mijë e 404.

REJHANE BUSHI METAJ