Kovid-19, 6 të vdekur dhe 697 të infektuar në Shqipëri

Gjatë 24 orëve të fundit kanë ndërruar jetë 6 persona, ndërsa të infektuar janë 697 të tjerë. Situata duket e përmirësuar në spitale, ku aktualisht janë të shtruar 260 pacientë. Nga këta, 19 janë në terapi intensive nga të cilët 3 pacientë janë të intubuar.

 

Ndërkohë, numri i testimeve paraqitet në rritje, 3,668 të tilla në 24 orë, përfshirë edhe testimet e shpejta që bëhet në qendrat shëndetësore.

 

Shqipëria po bëhet gati edhe për vaksinimet kundër Covid-19, në sajë të një marrëveshjeje me kompaninë “Fajzer”, e cila i ka premtuar Shqipërisë 500 mijë doza.

 

Ky proces do të kryhet në ambientet e stadiumit “Air Albania”, i cili po përgatit infrastrukturën për realizimin  me efikasitet të vaksinimit.