Kosovë, dy të vdekur dhe 253 raste të reja në 24 orë

 

Autoritetet shëndetësore kanë testuar edhe 1.586 mostra, dhe pas analizave të kryera, pozitive në koronavirus kanë rezultuar 253 persona. Aktualisht 6.140 persona e mbartin sëmundjen dhe njihen si raste aktive me COVID-19. Sipas raportit, nga koronavirusi janë shëruar edhe 646 pacientë, duke e çuar numrin e përgjithshëm të të shëruarve në 46.259. Fatkeqësisht me gjithë përpjekjet e mjekëve 2 qytetarë nuk e kanë fituar betejën me COVID19.

 

Ministri në detyrë i Shëndetësisë së Kosovës, Armend Zemaj, ka ftuar qytetarët të vazhdojnë me respektimin e masave kundër përhapjes së pandemisë. Ai përmes një postimi në rrjetin social Facebook, ka përmendur situatën me rritjen e numrit të të infektuarve në Evropë, por ka thënë se Kosova po vazhdon ta menaxhojë mirë gjendjen. Zemaj pretendon se tashmë janë siguruar 1.220.000 vaksina kundër koronavirusit.