Osmani për vizitë në Greqi: Greqia mbështet perspektivën evropiane të RMV–së

 

"Përkrahim dhe inkurajojmë hapat tuaj për t’ju bashkëngjitur BE–së. Gjithsesi në bazë të kritereve, sistemit të meritave dhe metodologjisë së re për zgjerim të BE-së. Greqia me dekada punon aktivisht dhe e përkrah prespektivën evropiane  të vendeve të Ballkanit Perëndimor. Kjo, jo vetëm që është rruga më e mirë por edhe mënyra e vetme e stabilitetit dhe prosperitetit të rajonit.", tha Nikos Dendias, minstër i jashtëm i Greqisë.

 

Maqedonia e Veriut mbetet e përkushtuar në mbajten e raporteve të mira dypalëshe me vendet fqinje, tha ministri Osmani. Vlerësoi përkrahjen parimore të Greqisë për fillimin e bisedimeve mes vendit tonë dhe BE-së. 

 

"Qëllimi ynë është  që të shkojmë përtej narrativit për fqinjësi të mirë. Duam që marrëdhëneit tona bilaterale ti lëvizim në drejtim të partneritetit strategjik dhe të sinqert, bazuar në besimin dhe përkrahjen e ndërsjellë. Si fqinj i afërt  që njëkohësisht është edhe anëtare  e BE-së, vlerësoj se me rëndësi të veçantë është përprkahja principiele  nga ana e Greqisë për fillimin e bisedimeve me RMV-në, pa u prolonguar më tutje.", tha Bujar Osmani, ministër i jashtëm.

 

Në kuadër të vizitës së tij në Greqi, Osmani është takuar edhe me zyrtarët dhe politikanët e tjerë grek. Me theks të veçantë është biseduar edhe për detyrimet që dalin nga marrëveshja e Prespës, që sipas autoriteteve greke, duhet punuar më me përkushtim në drejtim të jetësimit të plotë të saj. Sidomos, patën vërejtje në përdorimin e emërtimit të shtetit “Maqedonia e Veriut”, që sipas tyre, nuk ka  zbatueshmëri në të gjitha institucionet publike.