Gjermani, Armin Laschet zgjidhet kryetari i ri i CDU-së

 

Laschet, 59 vjeç, ka mposhtur në garën zgjedhore konservatorin, njëherësh rivalin e kancelares Angela Merkel, Friedrich Merz. Në konventën partiake, që u mbajt online për shkak të pandemisë së koronavirusit, Laschet fitoi 521 vota dhe Merz 466. Ndërkaq, Nobert Roettgen, u eliminua në raundin e parë të votimeve. Zgjedhjet e brendshme në CDU vijnë pasi kanclerja Angela Merkel ka paralajmëruar largimin nga politika më vonë gjatë këtij viti. Në fjalimin e tij pas fitores, Laschet u zotua se do të bëjë gjithçka që partia e tij të dalë mirë në zgjedhjet e ardhshme rajonale dhe se ai do të mbajë postin e kancelarit.

 

Delegatët për herë të parë mbajtën konventën partiake online, për shkak se masat e vendosura kundër koronavirusit ndalojnë mbajtjen e tubimeve. Gara në CDU vjen në një vit të rëndësishëm për Gjermaninë, e cila do të mbajë zgjedhje nacionale në shtator. Merkel, e cila ka thënë se do të tërhiqet nga politika, ka mbajtur katër mandate si lidere e partisë dhe 16 vjet si kancelare. Gjatë nisjes së konferencës më 15 janar, Merkel bëri thirrje për unitet.