Maqedoni

Padia ndaj Bozhinovskit, Zaev: Padisë atëherë kur kalohen kufijtë

18.01.2021 16:20

Kryeministri Zoran Zaev u paraqit në gjykatën civile, në rastin e padisë së tij për shpifje kundër gazetarit Zoran Bozhinovski....

Kryeministri Zoran Zaev u paraqit në gjykatën civile, në rastin e padisë së tij për shpifje kundër gazetarit Zoran Bozhinovski. Përshkak të kovid protokolleve për mbrojtje nga virusi fillimish gazetarëve nuk iu lejua të marrin pjesë në senacë përshkak të hapsirave të vogla, por me insistimin e Bozhinovskit se pa gazetarët ai nuk do të marr pjesë në seancë u siguruan kushte për ndjekje të gjykimit. Si dëshmi për atë çka ka thënë Bozhinovski dorëzoi dëshmi në formë të shkruar dhe USB. Pas gjykimit Kryemnistri Zoran Zaev deklaroi se ai është person tolerant mirëpo që gjithçka ka kufitë e sajë. Shtoi se si Kryetarë i Qeverisë është normale që të jetë pre e kritikave, megjithatë duhet pasur kufi, meqë shpifjet dhe ofendimet përsëriten dhe kalojnë kufijtë e normales.

“Nëse vendosi unë, mund që çdo ditë të ngre padi, megjithatë nuk e bëj atë, me të vetmin qëllim që ta nxisë lirinë dhe ta jetojmë atë. Megjithatë,kur tejkalohen kufijtë që disa herë të është shpifur për ju dhe jeni ofenduar parasegjithash në ndjenjat personale e më pas në funksionin politik që e bëni, një dit duhet të thoni stop dhe të ngrisni padi. Unë shpresova që sot do të pranoj falje por ajo nuk ndodhi,ia lë gjykatës të vendos më tutje.”, tha Zoran Zaev, Kryeministër.
 
Zaev kohë më parë ngriti padi ndaj gazetarit për një status në facebook, ku Bozhinovski kishte nxjerrë materiale, me pretendimin se kryeministri Zoran Zaev dhe ish-zëvendëskryeministri Koço Angjushev kanë marrë ryshfet me kushtëzime me një vlerë prej 60 milionë euro. 
 
FLORIJE BELULI KMBERI