Reali dy muaj pa Modriç

Lëndimi i Luka Modriç-it mund të jetë më i gjatë se sa pritej. Në fillim mendohej se kroati do të mungojë një muaj, por mjeku i përfaqësueses së Kroacisë, Boris Nemec tashmë mendon ndryshe.

 

Ai ka thënë se lëndimi nuk duket aq mirë dhe Modriç mund të mungojë për dy muaj, duke rrezikuar kështu edhe Kupën e Botës për klube që do të fillojë nga 16 dhjetori i këtij viti, shkruan AS.

Megjithatë Real Madrid do t’i kryej testet mjekësore posa kroati të kthehet në Madrid.

 

Modriç u lëndua në ndeshjen kualifikuese kundër Italisë, ku u detyrua që të largohet nga minuta e 26-të, ndeshje e cila përfundoi me rezultat të barabartë 1:1.

 

Lëndimi i Modric-it do të jetë një mundësi e mirë për Illaramendi-n dhe Khedira-n, pasi do të kenë minutash më të madhe për të treguar aftësitë e tyre.