Kontestet me Bullgarinë, Zaev: Plani aksionar prioritet këto muaj kontestet me Bullgarinë

Maqedonia e Veriut dhe Bullgaria në periudhën në vijim do të koncentrohet në miratimin dhe implementimin e planit aksionar,  thotë kryeministri, Zoran Zaev. Sipasj tij, realizimi i këtij plani që kap sfera të ndryshme shoqërore i hap rrugën edhe zgjidhjes së çështjeve të hapura politike mes dy vendeve. Kreu i qeverisë pret ndonjë hap konkret  në drejtim të tejkalimeve të kontesteve me fqiun lindor që në takimin e rradhës së komisionit interdisplinar,  i cili duhet të mbahet në muajin shkurt.

“Kjo është ajo ku do të përqëndrohemi në  tërë këtë peruidhë. Besoj se është interes i popullit tonë, interes i  popullit bullgar. Jemi të bindur se përmes këtyre realizmeve  do të krijojmë atmosferë më pozitive edhe për çështjet e hapura politike. E di se këto ditë ka seancë përgatitore  në komisionin  për çështje historike dhe arsim nga të dyja palët i cili  duhet të mbahet në shkurt. Besoj se nga kjo seancë përgaditore do të kemi hap përpara. Gjithsesi presim edhe në shkurt të ketë progres”. – tha Kryeministri i vendit, Zoran Zaev.

Nga opozita maqedonase kërkojnë llogari nga kryeministri Zaev për ndërrimin e anëtarit të komisionit për çëshjte historike.

Misajllovski:Komisioni për çështje historike ka presion

Nënkryetari i VMRO-DPMNE-së Vllado Misajllovski pyet hapur kreun e qeverisë  nëse ju bën shtypje anëtarëve të komisionit që të pajtohen me të pavërtetat historike.

“Qeveria dhe Zaev të japin përgjigje nëse ndërrimi fshehurazi i anëtarit të komisionit nuk është presion  mbi vendimarrjen  dhe kthesë  në lëshimet të reja  në llogari të interesave të Maqedonisë. Përse fshihet ndërrimi i anëtarit të komisionit? Historia është e qartë. Shkenca është e qartë. Prekje në identitetin, gjuhën dhe historisë maqedonase nuk  ka mundësi të ketë” – tha Nënkryetari i VMRO-DPMNE-së, Vllado Misajlovski.

VMRO –DPMNE thotë se do të vazhdojnë me protesta  për të përkujtuar pushtetin siç thonë ata, në ruajten e vlerave të popullit dhe moslejimin e shitjes së interesave shtetërore. (Nermin Mulaki – Fejzullahu, TVM2)