Regjistrimi i popullsisë, Grubi: Do të zbatohet në prill të këtij viti

Regjistrimi I popullsisë edhe pas votimit në Kuvend vazhdon të mbetet temë e nxehtë për partitë politke dhe qeverinë. Përderisa opozita është e mendimit që regjistrimi duhet të anulohet për shkak të pandemisë, nga qeveria këmbgulin se ky operacion do të kryhet në afatin e përcaktuar. Zv.kryeministri i parë Artan Grubi  është i bindur që regjistrimi do të zbatohet në muajin prill të këtij viti. 

 

“Unë jam i bindur, ky është qëndrim edhe i partisë të cilën e përfaqësoj dhe i Qeverisë pjesë e të cilit kam se regjistrimi do të mbahet në prill të vitit 2021 dhe nuk pres kurrfarë problemi, por pres që të gjithë qytetarët të regjistrohen”, u shpreh zv/krzeministri i parë, Artan Grubi.

 

 

Nga VMRO janë të mendimit se qëllimi i LSDM-së dhe Zaevit nuk janë të dhënat statistikore, por plotësimi i dëshirave të BDI-së. Ata thonë se do të mbledhin nënshkrime kundër regjistrimit dhe për këtë kanë informuar edhe ambasadorin e BE-së Gir. 

 

“Mënyrë e vetme që ti shohin reagimet të cilat për çdo ditë vijnë te ne nga qytetarët, është inicimi i mblëedhjes së nënshkrimeve nga amna e qytetarëve. Shpresojmë që me mbledhjen e nënshkrimeve dhe pas numrit të nënshkrimeve që do të mblidhen do të reflektojnë dhe do ti shohingjërat e palogjikshme që i kanë në këtë ligj”, theksoi Nikolla Micevski ngaVMRO-DPMNE. 

 

 

 

"Mbledhja e nënshkriumeve duhet të shkojë si procedurë deri në fund. Regjistrimi nuk mundet të parandalohet pa sjelljen e një akti legjitim i cili do të pengon, do të anulon apo do të tërjheq këtë ligj. Deri në këtë moment dhe përderisa është në fuqi ligji i cili dje u votua, regjistrimi do të zbatohet”, u shpreh deputetja e LSDM-së, Sllavjanka Petrovska.

 

Regjistrimi i popullatës, amvisërive dhe banesave në Maqedoni të Veriut do të zbatohet prej 1 deri më 21 prill të këtij viti, ndërsa për realizimin e tij do të përgatitet metodologji dhe dokumente të tjera shoqëruese.

 

Vendimi përfundimtar për mbajtje të regjistrimit në vend, i pari pas 19 viteve, ishte konfirmuar me votimin e djeshëm në Parlament, pas të cilit, nuk qëndroi partia më e madhe opozitare, VMRO-DPMNE.