93% e maturantëve pro maturës shtetërore, MASh: Maurantët dëshmuan pjekuri

Ministria e Arsimit ka njoftuar se  93 % e maturantëve kanë konfirmuar se do ta mbajnë provimin e matures shtetërore , thuhet së fundmi në komunikatën e lëshuar nga ana e ministries së Arsimit dhe Shkencës. Përmes këtij interesimi të shprehur nga ana e maturantëve, mund të konstatohet se nuk ka bojkot masovik në shkollat e mesme.

 

Nxënësit janë të vetëdijshëm për obligimet e tyre, ndërsa MASH e ka për obligim ligjor ta zbatojë mbajtjen e provimit të matures shtetërore, thonë nga Ministria e Arsimit dhe Shkencës. Sipas MASH-it, në Maqedoninë e Veriut  për këtë vit shkollor janë të regjistruar 16 mijë e 500 maturantë të cilët po e përfundojnë shkollimin e tyre të mesëm, prej tyre 15 mijë, respektivisht 93%, janë paraqitur për të dhënë provimin e matures shtetërore.

 

Tek një numër I madh nga ky grupacion po dëshmojnë se janë të vetëdijshëm për  procesin e mëtutjeshëm arsimor, duke e pasur të qartë se vertëm përmes dhënies së provimit mund të  regjistrohen në shkollimin  sipëror.  

 

“Këtë vit provimi i maturës do të jepet konform  konceptit të përcaktuar ku në definimin e të cilit kanë marrë pjesë edhe vetë nxënësit e shkollave të mesme. Për vitin e ri akademik, po paralajmërohet  koncept tërësisht i ri për provimin e maturës shtetërore, sipas standardeve europiane.”, thuhet në komunikatën e MASH-it. 

 

Nga ky dikaster shtojnë se gjatë gjsëmvjetorit të parë MASH i pranoi  të gjitha vërejtjet nga ana e nxënësve, sa i përket pjesës së programeve të matures në të gjitha lëndët. 

 

Nxënësit e shkollave të mesme kanë demonstruar pjekurinë e tyre dhe ua kanë bërë me dije subjekteve politike qasjen e vërtetë të tyre. Ministria e Arsimit dhe Shkencës apelon deri tek të gjithë maturantët e shkollave të mesme të vazhdojnë të ndjekin procesin mësimorë përmes modelit të kombinuar, sepse është në të mire të të gjithëve kujdesi ndaj ruajtjes së shëndetit publik nga pandemia.