Dimitrov dhe Osmani takon Borrellin, politika e zgjërimit të Be- së me vendet e ballkanit

E ardhmja e politikës së zgjerimit të BE-së,  zhvillimet  pas miratimit të Metodologjisë së re,  harmonizimi i  Kornizës Negociuese për Maqedoninë e Veriut, politika e fqinjësisë së mirë  kanë qenë temë e bisedimeve mes   zëvendës kryeministrit Nikolla Dimitrov dhe ministrit  Bujar Osmani në takim me nënkryetarin e Komisionit Evropian Josep Borrell, në Bruksel.

 

“Nga ana e Nënkryetarit të KE-së, Borrell u përshëndet niveli i lartë i përafrimit të Maqedonisë së Veriut me politikën e përbashkët të jashtme dhe të sigurisë të BE-së”- thuhet në komunikatën e qeverisë.

 

Dimitrov dhe Osmani kanë mirëpritur angazhimin aktiv të Përfaqësuesit të Lartë të BE-së në mbështetjen e perspektivës evropiane të rajonit, si dhe iniciativat e  ndërmarra për të siguruar paqen, stabilitetin dhe prosperitetin në Ballkanin Perëndimor, duke shprehur  mirënjohje të veçantë  edhe për kontributin e tij në miratimin e vendimit për hapjen e negociatave me Maqedoninë e Veriut nga Këshilli i BE-së.

 

“Në takim u nënvizua fakti se Maqedonia e Veriut ka me të vërtetë numër të madh të miqve midis vendeve anëtare, interesat e të cilëve për të ardhmen e Evropës përkojnë me interesat tona - integrimi i plotë i Ballkanit Perëndimor për kompletim përfundimtar të Unionit” – thuhet në komunikatën e qeverisë.