Revolta për vaksinat: BE të publikojë kontratën me “Astrazeneca”

Shefja e Komisionit Evropian, Ursula von der Leyen, ka bërë thirrje që të publikohet kontrata e vaksinës së BE-së me prodhuesin e ilaçeve “AstraZeneca”, pas një grindjeje në rritje për reduktimin e furnizimit.

Kontrata e nënshkruar në gusht përmbante "porosi të detyrueshme", dhe kërkoi "justifikime të besueshme" për vonesat nga

AstraZeneca që po fajëson për prodhimin, vonesat në dy impiante. Vaksina e saj pritet të miratohet nga rregullatori i ilaçeve të BE-së më vonë. Marrëveshja e gushtit ishte për 300 milionë doza për Bashkimin Evropian që do të dorëzoheshin pas miratimit nga rregullatori, me një mundësi për 100 milionë doza më shumë.

Nga BE-ja thanë se tani presin të marrin vetëm rreth një të katërtën e 100 milionë vaksinave që prisnin të merrnin deri në mars, me një mungesë prej rreth 75 milionë vaksinash.

“AstraZeneca” thotë se problemet e prodhimit janë në fabrikat e saj në Hollandë dhe Belgjikë. Shefi ekzekutiv i saj, Pascal Soriot, ka thënë se kontrata përcaktonte që kompania duhej të bënte "përpjekjen më të mirë" për të përmbushur kërkesën e BE-së dhe nuk e detyronte t'i përmbahej një afati specifik kohor.